Super junior

الفرقه احياناً تنقسهم لـ 4 أقسآم :
Super junior T اللي أغانيها مختصه بالتروت فقط , Super junior K.R.Y اللي تجمع أفضل اصوات الفرقه
Super junior M مختصه بالأغاني الصينيه فقط ,Super junior Happy اللي اغانيهم كلها ضحك وونآسُه
سوبر جونير ذولي بتآعِ كولوه , تبونهم مذيعين بالتلفزيون والراديو , تبون ممثلين , مغنين , مقدمين حفلات . .
ومين ينسى أغنيتهم sorry sorry اللي أشهر من نآر على علم بكوريا وبشرق آسيا كله ,
حتى اللي هنآ يعرفون للكوري أكيد يعرفون سوري سوري
صآرت الاغنيه بكل مكان تنقآل وكلن يرددها , زي ما اشتهرت هنا التاكسي والاشياء ذي . .

الأعضآء هم :
ليتوك , اينهيوك , كانغ ان , كيبوم , سونغمين , ريووك , كيوهيون , هانكيونغ , هيتشول ,
دونقهي , شين دونق ,شيوون , ييسونغ



قائد الفرقه , والحنونُ , وممكن يسوي أي شي عشان الفرقه . .
يحب يسمع الاغآني ويسبح بالنت , ويعزف البيانو ويكتب الاغاني
اختارو كـ أفضل قائد لـ فرقهُ كوريه بـ 15,724 صوت (34.2%)
وهو انسان حسآس مدري ليه أنا دايم اشوفه يصيحُ
على أنه اكبر واحد بالفرقه ودايم ينادونه "أجاشي" < كلمة تقآل لـ شياب كوريا . .
بس هو اكثرهم نشاط , وخفيف دم جداً
ومعروف أنه أكثر وآحد فضييحه بالفرقه , احياناً يدخل باقي الاعضاء في مواقف محرجه بسبب انه ما يقدر يمسك نفسه . .









يلقبونه السندريلا , هو أخكر واحد بالفرقه , على أنه خكري و أول ما تشوفونه تقولون وش يحس
بس لما تشوفون شخصيته الحقيقيه بتحبونه , معروف هو بشخصيته الفريده وحبه لـ الترزز
هو يمكن من الاعضآء اللي يعرفون يمثلون له أكثر من مسلسل , وهو معروف بدقة ملاحظته
كم مره الاعضاء يحاولون يسوون فيه مقلب بس هو يكفشهم , عليه ذبات احياناُ اليييمه
وفيه ثقه بنفسه , وما يهمه كلام الناسُ أبد . .
وفاز كـ أفضل نجم محبوب في كوريآ بالمركز الأول بــ ( 35,1 % )









هذآ انسان طيوب وعلى نياته , يعتبر العضو الصيني بالفرقه , يلعبون عليه الاعضاء دايم متنح . .
ودايم اذا انحط بمواقف محرجه وما يقدر يبرر يقول أنا صيني ما اعرف اتكلم كوري زيين
أو إذا هاوشوه الاعضاء يسوي نفسه ما يفهم على أساس أنه صيني . .
وهو متخصص الرقص التقليدى الصينى , والباليه , يقولون انه اذا زعل على اي احد من سوجو قام يسبه بالصيني
بما أنه صيني فلغته الكوريه مو جيده أبد دايم يقول كلمات كوريه مكسّره,كانت عائلته من الفقراء وراح لـ كوريا بدون فلوس وبدون ما يعرف اي كلمه كوريه عاش معانات كبيره اول ما جا كوريا بسبب مشاكل قانونيه + أول ما جا ما كان يقدر يؤدي على المسرح زي باقي
الاعضاء الكوريين لآنه اجنبي وفي قانون يمنع الاجانب يؤدون في اكثر من ثلاث قنوات فطلع بفكرة انه يلبس قناع. .
صار يؤدي بقناعه وتعبت نفسيته لحد لما جا يوم من الايام مسكه هيتشول ودفعه على المسرح وفك قناعه كآن خايف كثير
بس هيتشول شجعه
وبعدين اللحين الغو القانون هذآ اللي يخص الاجانب . .









يعتبر من الاشخاص الغآمضين , بس بالحقيقه هو شخصيه دآآجه مع ان شكله وبعضُ تصرفاته تعطي غيير . .
وايضاً هو من أفضل اصوات الفرقه , ما أخذ فرصته أبداً أحس =(
يحب الغناء , الاستماع لـ الموسيقى , مشآهدة الافلام والقراءه . .
لأنه غامض وهآدي يطفش احياناً يقول اينهيوك : أنه شاف عند هيتشول قطوه
قام قال ييسونغ " لا أريد أن أكونَ وحيداً يجب عليّ أن أحصل على قطة ايضاً "
يقول اينهبيوك أنه صار يقول لي هـ الكلام كم مره , وبعد كم يوم جيت ولقيت سلحفاة بالشقّه
وسماها " البطاطا الحلوه الصغيرهْ " يقول انه دايم كان يتكلم مع السلحفاة بس كآنت السلحفاة صغيره مره
ما تتحرك أبدا , بس تغمض عيونهآ . .
بعد كم يوم رآح يسونغ لـ اينهيوك وقال له " آه , لقد كنت ملآن .. لكن الآن أنا أحس بالملل أكثر "
في 8أغسطس دخل المستشفى عشانه و هو يغني طاح من على مسرح ارتفاعه متر و نصف
فاز بجائزة SM لآفضل مغنى بـ 2001 . .









Kangin معنى اسمه القوة و أعطوه إياه عشان يتوافق مع شخصيته . .
يلقبونه بالراكون , يقول عن نفسه اني انا فضيحه , أول ما يقآبلُ أي شخص ممكن يقول له كل شي عنه وعن اسراره . .
هو شخصية رجوليّه جداّ , يحب السباحه والمصآرعه , وأيضاً يحب يشرب الكحول كثيرٌ , لـ درجه هـ السنه صار له مشكله بسبب شربه للكحول ,فاز بالمركز الأول في مسابقة SM Youth Best Contest. .









هو أكثر وآحد سمين بـ الفرقه , مره كآن يبي يفقد 5كيلو عشآن صحته
قآم طلع ليتوك ببرنامج وقال ان شين دونق يخطط أنه يفقد 20 كيلو
بنهآية الاسبوعُ ,
يقول شين دونق انه وهقني واضريت أني أفقدهم . .
و بالنسبه لـ وزنه يعتبر واحد من أفضل 4 راقصين في الفرقة ,
هو يحب يمزح و يضحك دائماً . .
يقولون أنه يحفظ كل شي وما ينسى لوّ وشو . .

https://2img.net/h/oi47.tinypic.com/s5wbgw.jpghttps://2img.net/h/oi48.tinypic.com/2ywsuh4.jpg







هو الكيوتي حق الفرقه , يلقبونه "cute guy" أو " pink prince"
يتميز بـ ابتسامته الجذابه وظرافته الطبيعية ومواهبة المتعدده
, كان يحب اللون الوردي كثيير واللحين خلاص صار يحآول ما يلبس
وردي كثير زي أول ويصير "manly" . .
من هواياته الفنون القتالية الصينية , يعتبر شخصيه حسآسه . .
على بلاطه هو كأنه بنت , بس جداً محبوب وكل أبو شي حلو . .









هذآ رقّآص الفرقه عاد , معروف برقصة الحلوِ
ودايم هو بمقدمة السوجو بالرقصُ . .
معروف انه انسان خفيف دم , أحياناً يسوي أشياء ما يقصدها بس يضحك الناسْ عليه , مع انه شخصيه تعتبر هآآديه . .
يلقبونه "monky" , أغلب مقاطعه بالغناء تكون رآب ,
الانسان هذآ حنون وقلبه طيب يعتبر السوجو هم عائلته . .
يعتبر صديق مقرب لـ جونسو اللي بفرقة دبسك كآنون مع بعض بالمتوسط ,
مره سألو جونسو عن اينهيوك بالمدرسه
قال : انه يحاول يجتهد بس النتائج لا تكون غالباً جيده . .









هو الشخصيه الرياضيه اللي بسوبر جونير يلقبونه "سمبا"أو "الحصان" . .
معروف ان هو اكثر واحد رزّه بالفريق وتصرفاته كأنه واحد يمثل بفلم أو أمير
, ما يحب يعبر عن مشآعره بسهوله . .
ودايم يقلدونه باقي الاعضاء بتصرفاته , اطلقوا عليه النقاد انه شخص مسيطر ..
يعتبر القائد الثاني للفرقه بعد ليتوك . .










عآد هذآ الشخص محبوب جداً , يدخل القلب بسرعه , يقولون انه يعمل بجد ويتعب ولكن لا تزال ابتسامته على وجهه . .
هو من الناس اللي الطيبّه مبينه فيهم , حنون على الأعضاء الباقين جداً , يقولون انه طفوليّ جداً
وملييئ بالحيآة وأنه يجعل الناس يحبونه لانه يبدو كطفل برئ , هو شخصيه تعتبر خجوله . .
عند وفاة ابوه كآن مغمي عليه عند قبر وآلده,,ولآ احد من اعضاء سوبر جونير يعلم بالأمر
الا Eunhyuk وRyeowook . . اخذوه الى المستشفى,واستمرت مدة غيبوبته3 اسابيع
, ومره سألوه بمقابله عن أمنيه بتمناها , قال : أنا عندي أمنيه وحده , أتمنى ابوي يرجع لـ أغني له مره واحده فقط . .
معروف باسم Fish عشان ترجمة اسمه بالكوري معناها البحر الشرقي . .
في سواره بيده داييم ما يفصخها لأنها من أبوه . .




[img]




شخص مسآلم جداً , يقولون الاعضاء ان ريووك زي العمّه بالنسبه لنا دايم يجينا يقول أكلتو ولا لاء ,
إذا ما آكلو شي يروح يسويّ لهم أكل , مهتم بالاعضاء مرره , هو شخص رومنسي يحترم الاخرين صاحب صوت رآئع . .
في اغلب المقابلات لما يقولون له مثل , يمثل دور البزر لأنه لايق ويضبطها. .
يعتبر الأكثر هدوء ماله حسّ أبد . .
فاز بالمركز الرابع كأفضل 25 صوت كوريَ . .









يلقبونه "بيآض الثلج" , عاش بامريكا وهوِ صغير عشآن
كذا هو أفضل واحد يتكلم انقلش بالفرقه , ولا باقي الفرقه ما تعرف بالانقلش شي . .
يمكن يعتبر من اوسم أعضاء الفرقه , شخصيه ثقيله عكس باقي الاعضاء وواثقه من نفسها . .
أخذ المرتبه 19 في ترتيب m.net على أنه من أكثر الرجال السآحرين في كوريا عام 2005 . .













وبس تعبت هع